நீட் தேர்வு எழுதிய அரியலூர் மாணவி தூக்கிட்டு தற்கொலை

அரியலூர் மாவட்டத்தில் உள்ளது துளாரங்குறிச்சி கிராமத்தைச் சேர்ந்தவர் கருணாநிதி. இவர் வழக்கறிஞராக பணிபுரிந்து வருகிறார். இவரது மகள் கனிமொழி. நாமக்கல்லில் உள்ள பள்ளியில் படித்துள்ளார். கனிமொழி தனது 12-ஆம் வகுப்பில் 562.28 மதிப்பெண் பெற்று 93 சதவீத மதிப்பெண்களை பெற்றுள்ளார். மருத்துவப் படிப்பில் சேர வேண்டும் என்ற நோக்கத்தில், கனிமொழி நீட் தேர்வுக்கு தயாராகி வந்துள்ளார். இந்த நிலையில், தஞ்சாவூரில் உள்ள தனியார் பள்ளி ஒன்றில் கனிமொழி நீட் தேர்வை எழுதியுள்ளார், தேர்வு எழுதி முடித்த பிறகு, வீட்டிற்கு வந்த கனிமொழி தனது தந்தையுடன் இருந்துள்ளார். பின்னர், நேற்று மாலை யாரும் எதிர்பாராத விதமாக மாணவி கனிமொழி தனது வீட்டில் தூக்கிட்டு தற்கொலை செய்து கொண்டார். இது அந்த பகுதியில் அதிர்ச்சியை ஏற்படுத்தியுள்ளது.